हिमाली स्वरहरु – मकर संक्रान्ति

मकर संक्रान्ति

admin January 14, 2011 0

यी सुर्जे भागबान् चढेर रथमा यो विश्व नै हाक्दछन्

बार्है राशि बटोली तिस्दिन बसी बार्है पटक सर्दछन्

हामि हौ अनुयायी सूर्य दिनको सक्रान्ति भन्दै गनी

माछासम्म पुगेर फेर घुमी फिरी भेडैमा आउछन् उनि

यिनको चक्करले दिमाग नरको बसाइ पिच्छे फरक्

सोचाइ र गराईमा पनि सधै उतार चढाब् को हरक्

गोहिमा म त सर्छु आज मनुवा भन्दै हिंडेको दिन

लामो रात घटाई त्यो दिन अझै लम्ब्याउनु पर्ने किन ?

उत्तर दक्षिणको बनाई अखडा एता र कैले उता

गर्दामा सब पृथ्वीमा पनि चहल् पहल् छ देख्छु म ता

घ्यु चाकु तिलको छ लड्डु खँदिलो गाईको होस् ताजा घिउ

पालुंगो हरियो पिंडालु र तरुल , डोलो तरुलको जिउ

के के हो अरु कुन्नि ठाउ र प्रदेश खाने कुरा हो जुन

उखु वा उखुको सखर पनि मिठो मिलाई खाँदा हुन

पापैलाई पखाल्न पानि न पुगी होला नि तिर्थे भनि

उज्जैन ,नासिक ,त्यो प्रयाग र हरि द्वारमा नुहाउने पनि

देखें भोग पनि गरें कति पटक पन्जाबको माघीको

सर्सों साग र रोटि मक्की दि भनि बाल्दै ठुटा टाँगीको

जे गर्दा मन यो प्रसन्न हुन गै थामिन्छ यो भ्रान्ति झैँ

आजै यो दिन पुण्य चाड ऋतुको घुमोस् है संक्रान्ति भै !

जनवरी १४

भर्जिनिया,

चाचा विहंगम

Share

Leave A Response »