हिमाली स्वरहरु – एएनए डि.सी. भेलाको हिसाव विताव पारदर्शी गरिने

एएनए डि.सी. भेलाको हिसाव विताव पारदर्शी गरिने

admin August 2, 2011 0

प्रेस विज्ञप्ति

एएनए डि.सी. भेलाको हिसाव विताव पारदर्शी गरिने
एसोसिएसन अफ नेपालिज इन अमेरिका (एएनए) को २९ औं सम्मेलन भव्य रुपमा सम्पन्न गर्न सहयोग पु¥याउनु हुने अमेरिका र क्यानडा स्थित नेपाली समाजका हरेक संघ संस्था, समुह र व्यक्तिहरु तथा सम्पूर्ण संचार माध्यमहरुलाई सम्मेलन आयोजक समितिको आज बसेको बैठकले आभार र धन्यबाद ब्यक्त गरेको छ ।
बैठकले सम्मेलनको आय तथा ब्ययको प्रारम्भिक लेखाजोखा गर्नुको साथै हिसाव किताबको प्रारम्भिक काम सकिने वित्तिकै एक हप्ता भित्रै पारदर्शीरुपमा घाटा नाफाको वास्तविक स्वरुप जनसमक्ष प्रस्तुत गर्ने निर्णय गरेको छ । यस्तै चांडैनै एक विशेष कार्यक्रमको आयोजना गरी सम्पूर्ण स्वयंसेवक वर्गहरुलाई प्रसंसापत्र वितरण गर्ने निर्णय ग¥यो ।
यस्तै यस पटक नेलाली सामुदायिक पत्रकारिताको विकासमा हौसला पु¥याउने हेतुले एएनएको इतिहासमा पहिलो पल्ट एएनए एक्सिलेण्ट जर्नालिजम अवार्ड पनि प्रदान गर्ने भएको छ । सोही विशेष कार्यक्रममा यो पुरस्कार प्रदान गरिने भएको छ ।
यसैगरी एएनएको इतिहासमा प्रथम पटक संचालित ट्यालेण्ट शोमा प्रथम हुने आस्था श्रेष्ठलाई प्रमाण पत्र र नेपाल जाने आउने हवाई टिकट प्रदान गरिसकिएको छ भने फुटबल तर्फ प्रथम हुने न्यूयोर्क टीमलाई पुरस्कार स्वरुप एक हजार डलर प्रदान गरिएको छ । भलिबलमा प्रथम हुने डिसी ए टीम लगायत अन्य सवै खेलका विजयी समूहलाइ स‌म्मान तथा  प्रमाणपत्र प्रदान गिरएको छ ।

संचार संयोजक
गुणराज लुइंटेल

मिति  जुलाइ ४ २०११

Share

Leave A Response »