हिमाली स्वरहरु – शेखर ढुंगेलको नयाँ कृति बजारमा

शेखर ढुंगेलको नयाँ कृति बजारमा

admin March 19, 2013 0

ढुंगेलको नयाँ कृति बजारमा

अमेरिका – साहित्यकार शेखर ढुंगेलको आत्मवृतान्त ‘अ ब्युटिफुल जर्नी अफ स्ट्रगल’ अमेरिकामा प्रकाशित भएको छ । एक दशकभन्दा बढी अमेरिकामा संघर्षशील जीवन बिताई रहेका ढुंगेलको यो पछिल्लो कृति अंग्रेजीमा छ ।

उनले विभिन्न उद्देश्य बोकी दर्जनभन्दा बढी देशको भ्रमण क्रममा प्रत्यक्ष्य देखे-भोगेको विविध पक्षलाई यो किताबमा समेटेको बताएका छन् ।

अमेरिकी प्रकाशन गृह ‘झुलोनप्रेस डट कम’ ले बजारमा ल्याएको यो किताब स्थानीय पुस्तक पसल वा अमेजन डट कम, बार्न एन्ड नोबल, गुगल बुक्समार्फत किन्न सकिन्छ । पुस्तकको मूल्य १४.९९ डलर र किन्डलको मूल्य ७.९९ डलर छ ।

सन् १९६२ मा भक्तपुरको कटुन्जेमा जन्मेका अमेरिकाको न्यु ह्याम्सरमा बस्छन् । उनी पत्र-पत्रिका एवम् वेबसाइटमा लेख-रचना लेख्दै आएका छन् । यसअघिका उनका कृतिहरू ‘शेखरका सय कविता’, ‘आंकाक्षा’ (सन् २००६, गीति एलबम), ‘सम्झना’ (सन् २००७, गीति एल्बम), ‘कहाँ छ मेरो देश ?’ (यात्रा स्मरण), ‘क्षितिज पारिका सपनाहरू’ (कथा सङ्ग्रह), ‘कुनै दिन … ‘ (२०१३, गीति एलबम, म्युजिक नेपाल) हुन् । उनले अमेरिकामा बनेको नेपाली चलचित्र ‘भुल्ने पो हो की ?’ का लागि दुई गीत लेखेका छन् ।

राजेश कोईराला मार्फत प्राप्त समाचार

Book

Share

Leave A Response »